Tag MK

2005年嗰時，工黨政府搞咗個要改變房屋建設嘅比賽。呢個由副首相 John Prescott 嘅”六萬英鎊房屋”設計比賽，目的係要通過使用 MMC (Modern methods of construction) 嚟提供低成本、可持續發展嘅房屋。 得獎者入面，2007年落成嘅122戶Oxley Woods社區，用咗預製組件建成，當時啲評審覺得佢最「富革命性」。初時嚟到 MK，第一印象都覺得啲樓望落幾特別嘅。 但原來喺完成之後嘅七年後，Oxley Woods 社區就爆咗一大堆例如漏水、濕氣或同潮濕相關嘅問題。 調查報告冇指責建設團隊嘅特定成員，包括建築師 RSHP、開發商Taylor Wimpey 定係 MMC 承包商 Wood Newton。 埋單嘅 Oxley Woods 居民當然要硬食，計返佢哋當年花咗至少20萬英鎊買屋；喺 Rightmove 度做咗個簡單 factcheck… 同一個地區嘅四房排屋，Oxley Woods用MMC建嘅賣 33 萬英鎊，而另一間用傳統建築方法嘅就要價 40 萬英鎊，咁如果捱到今日都賺嘅，係賺少一截囉。