睇見毛記電視同Snickers廣告有感。而家有個buzzword係人都講：Content Marketing。其實又有幾多人，能夠了解其真義？

Marshall McLuhan在《理解媒介》中 ，形容媒介所載的內容為「盜賊帶著的一塊鮮肉」，用處是引開人們思想的看門狗。

換言之，當你以為自己睇緊既係內容，其實你接收緊某種立場。即係無形之中，植入咗一種想法。

科學少少既比喻，你行山時四圍𥄫，你以為自己睇緊一坐山一片山林，其實你係睇緊既係太陽射出的光粒子。

係呢一刻（至未來一段長時間），世上最有影響力媒介叫facebook。跟據harvard研究報告同較早新聞指出，facebook已有足夠的能力（包括你簽咗既用戶政策），籍更改newsfeed的內容推送方程式，直接影響受眾的情緒及行為，直接令人更開心，或者更唔開心，久而久之，情緒又會影響言論，而言論又將會反映於行為上⋯

所以話，媒介本身就是最高層次的Content Marketing，較傳統的說法就是「The medium is the message.」
而重點係，我們是否相信現代人擁有真正獨立思考的能力？