八點九，辦公室內，我載住口罩，望住個芒，咳到甩肺。

忽然發現，坐附近既同事V已經進入咗我既「領土範圍」，企正係我隔離，而我竟可以完全察覺唔到。佢同我講：

「食唔食啲生果呀？」

「你需要多啲維他命C喎！」

老實講，呢種時間同場景，一般而言，我期望會聽到既可能係：

「呀係有啲嘢想揾你幫吓手」

「無想睇下你知唔知有邊個⋯」

就係咁，最後我枱頭多咗一大抽無核青提，而我亦不客氣，以「決戰一分鐘」式進食速度解決咗呢抽無核青提（有核既未必得）。

嚟咗呢度公司咁耐，同類型小確幸不時發生有增冇減，認真要感恩。