又話金融海嘯？點解到處是標榜的crazy sale？今個星期，成班同事，由朝到晚的話題總離不開：「咩又有Sale？」

除了各大地產代理地舖廚窗的「海嘯中招」、「殺到埋身」、「苦過dee dee」等慰藉心靈的笑圖。真係前有「沙士價」，今有「海嘯價」。

我懷疑電視台免費幫泰林宣傳幾日，搞到其他外企港企有樣學樣：Microsoft、Guess、Dior、Giordano、Tommy、Extravaganza、一田百貨、泰國自遊易、東京五日四夜聖誕團，海嘯價消息，沒完沒了。

最抵死喺，身邊既人真係有超乎常人既消費力。今日同事A走入我房，問：「我地籌備緊去韓國滑雪，預埋你okay？」咩呀，見海嘯就到，所以你地走去爬山避開丫？定喺趕住去韓國賑災先？

如何解釋呢個現象，苦中作樂？袋袋平安？定還是陳總經理個句：「保持開朗最緊要」？

同事們，我在此祝你哋凱旋歸來！