你要知道，就連周星馳電影《逃學威龍》入面，周星馳俾人地用「霹靂追魂鎖」制伏住，都係靠打電話問，至學識猴子偷桃，同埋使出奪命鉸剪腳，反敗為勝咋喎。
無錯，我地今日請嚟嘅來賓，生於學生哥已經好少講電話，走晒去上網同埋用手機嘅時代，於是佢創辦咗 EdTech公司 SnapAsk，直接開啟咗「上網問功課」嘅全新世代。
雖然佢地由香港開始，但而家佢地嘅業務已經遍及 9 個亞洲地區，包括香港、台灣、新加坡、馬來西亞、印尼、泰國、日本、韓國同埋越南，平台上高有超過 35 萬位導師，學生會員人數更係高達 350 萬人咁多。