Tag old media

前天晚上，思哲最遲離開公司。臨走的時候，我在會議桌旁邊的白版上，寫下問題一條，裝著沒擦去，好讓翌日上班的同事，甫進辦公室，第一眼就能看見。 問題極短，十個字唔夠。思哲心諗：「不知會否有勤奮好學的同事們自動自覺填上答案呢？但班友仔若然視而不見，就有排佢地好受！」結果，翌日返到公司，發現佢地同平時沒甚分別，唔通佢地做緊Research，準備陣間搶答問題？ 心大心細之際，西人阿Tom路過，見到白版上的文字，竟按捺不住前來搭訕，條問題係「How to increase traffic via the search engine?」 大半生在西方傳媒世界打滾，並於兩分洋文大報打工及撰寫專欄逾十載的阿Tom。睇見問題後，狀甚興奮，走上前跟思哲講，佢係搜尋引擎輸入自己個名，排第一的結果，不是兩份洋文大報的網站，反而係佢既個人博客！ 接住既十分鐘，思哲同阿Tom自然地討論起SEO（Search Engine Optimization）上來。事實上，不少人以為SEO等如令網站的landing page，被放係搜尋結果的前列位置。其實SEO照顧的不僅landing page，其餘的每一個網頁亦需要SEO。做好SEO的心法，其實好簡單，就係改善瀏覽者的browsing experience，換言之，阿Tom個博客，以browsing experience計，已經勝過了兩份洋文大報。 阿tom說得性起，滔滔不絕，有個關於NYT的新聞，好幾次想講，結果都沒有說出來。話說New York Times旗下互聯網公司About.com最近易帥，任職CEO的Scott Meyer，盛傳被其餘的高層施壓迫走，原因是Meyer對互聯網新形勢近乎無知，無能力管理旗下的內容網站，下屬群起而反之。據說，深愔 SOE的Ron McCoy將很大機會出任新任CEO。 Meyer象徵了舊媒體人的流弊與專橫，相信他連SOE為何物也不知，在其管理下，About.com當然不能得到改善。 2007年3月5日刊於《蘋果日報》