Tag fur

「呢件事最受爭議既一樣嘢，對我嚟講，究竟你著佢，定由佢係垃圾筒呢？」 呢個回應，唔夠好，唔夠真，於是失分啦，今次。 我覺得，不如再老實啲，直接講：「我第一眼見到條fur，就覺得好靚，好鍾意，喂，佢唔死都死咗啦，扔咗好晒啫？！」 若唔夠，可以考慮再加多句：「唔比佢係安樂死或者病死㗎？邊個親眼見到佢係有知覺有痛楚既情況下死先？邊個親眼見到先？？話唔定佢自願咁參加咗捐皮計劃都唔定呢？」（死前痛苦與否，呢個可能至係最爭議既個樣嘢。） 如果眾怒難平，只好學煲呔玩懺悔，講出實情：「唉，我知錯啦，由細到大，我係以酷刑山竹牛肉、牛柏葉同埋牛肉腸粉，係茶樓殺咗不計其數既大牛小牛，仲未計係韓國餐廳既紅燒肥牛、越南餐廳既生熟牛肉河… 仲有呀，我對付小動物最兇殘既手法，仲包括活生生咁，將佢地用腳踩死，用手鍊死，不突止，如果啲小動物哩埋，我仲會用咗大量既生化武器，包括毒藥毒煙，係都要迫佢出嚟受死，再加殺晒佢全族男女老幼，唉，真係諗返起佢地血肉糢糊個樣，都覺得罪孽深重呀，直到現時，依然瀝瀝在目未能釋懷，我知錯㗎啦，咁樣對小強、小蚊同小蟻，大家比次機會我啦…」 卓韻芝 回應fur事件 – 道歉。事件的始末。 [youtube=http://www.youtube.com/watch?v=BAgaebRiMag] — 聯繫我，最直接是訂閱尹思哲的 Facebook 和 電子通訊，我會盡量回覆，請多多指教！