Tag 金管局

上個星期，任總表示，恆生指數每跌一千點，即相當於外匯基金就會錄得六十至七十億元的重估收益或虧損。 朋友文仔當時身處思哲的辦公室，聽罷，他整個人彈起說：「哇！咁即係恒生指數每下跌1點，香港人就會唔見600萬至700萬元呀？」 「你都可以咁計既。」我回答。 「任志剛人工咁高，咁既表現我覺得唔可以收貨咯！」文仔半帶激動說。 「咁以佢既人工，又真係連伯南克拍馬都追唔上‧‧‧」 「有冇搞錯呀！香港奉行聯繫匯率，佢邊有外國央行行長咁多野做丫，而家仲要學人炒膿股票，輸晒我地D血汗錢！」 我還未來得及說，伯南克在央行行長之中，人工其實不高，例如歐洲央行行長特里謝，是伯的兩倍多，另外像挪威及瑞典的央行行長，也高於伯南克。 此時，公司的女股神秘書寶兒，忍不住搭訕：「Hey，唔好咁啦，恆指今年以來都跌左差不多四成，股無百日紅呀。」 細問下，原來文仔不曾投資股票。「跌少少你就騰啦，後生仔點可以輸唔起架。」經歷過不幾多少次金融風暴的掃地阿姐，亦忍不住要說他一下。 港人崇拜的巴菲特，最近與一家對沖基金對賭：巴願意出100萬美元，以扣除費用後的成績計算，賭標準普爾指數基金在未來十年，將勝於任何對手挑選的10家對沖基金。十年後，勝方將贏得的100萬美元捐予任何一家慈善機構。 巴菲特所以胸有成竹，因他相信，管理對沖基金的一群「醒目仔」，他們在投資者身上施加的費用，將吃光所有潛在的利潤，因而低成本的指數基金，長遠而言，成績必定勝於組合型對沖基金。 然而，巴菲特始終是西人，香港人從來都不介意醒目仔賺大錢。再說，在香港地，通街是炒股的醒目仔，年初至今，任總的苦處，誰不感同身受，誰不體諒？