Tag 為何要兩部智能手機

一直以來，大部份時間，我都同時擁有超過一部智能手機，但從前心態是：「揾一部最好。」 直到最近，心態開始有變。簡言之，人同手機既關係，唔同緍絪，一對一並非必然。需要視乎個人需要，而我相信，對於都市人，至少要兩部，可能先至「夠晒數」。 1. 工作太多，強求以一部手機處理，不切實際。 聆聽：KKBOX、數碼電台、網台 通訊：電話、WhatsApp、Skype、Email、FB、Twitter、微博 上載：Instagram、微博、Blogging、FB、WhatsApp、Email 下載：App stores、KKBOX 睇片：PPStream、YouTube、FB、動新聞 攝錄：拍片、影相 搜尋：Google、Wikipedia 要知道，以上功能，隨時同一時間進行3-4項，甚至更多，亦不足為奇，例如： (1) 聽數碼電台，講林書豪，(2) 即上YouTube睇片，(3) 再上Wikipedia睇佢個人資料，唔夠皮，(4) 再去Google揾佢既career box score資料，見其中一句金句有feel (5) 即刻微博張貼，再係 (6) FB分享某張Lincredible改圖，最後 (7) WhatsApp約班老友打波，再 (8) 打電話逐個confirm。 以上所有動作，要係幾分鐘之內，同時間操作、進行、完成，如果只得一部手機，肯定會慢好多，仲有，會由於操作麻煩、遲鈍、低效，而導致半途放棄，過咗道氣，而約唔到老友，其實，都幾可惜。 除此之外，點解要兩部智能手機，其實仲有好多原因，但由於時間所限，下回續談。