今晚，睇嚟好多人都會改變習慣，唔開電視。

但我想講，我而家每一晚，都唔會開電視，包括食飯既時候，亦唔記得幾耐無開過。

但咁唔代表我睇少咗電視，原因係我唔開電視機，我會係平板電腦睇（但當然唔係CCTVB），有時甚至棟部機係飯枱度睇。

平板電腦，我用iPad，亦同時用Lenovo ThinkPad，簡單嚟講，打機我會用iPad，做嘢同睇片就多數ThinkPad。

唔止係我，啲細路亦一樣，佢地每逢周未或放假，都會睇YouTube，係佢地既世界，平板同電腦已經係一個等號。

就算放眼全世界，最近智能手機同平板電腦既生產量同收入，已經超越咗所有傳統消費電子產品既總和，世人對「電視機」既依賴只會愈來愈少，就算係睇電視節目，亦唔一定係「電視機」上面睇到囉。

今晚既行動，我支持，我會繼續唔開電視機。