以前，香港的打工仔，推祟襟撈精神，當時我地既信念係：搵食低做起，工字有出頭。 好簡單，以前打工仔對工時的概念：「老闆唔走，我唔收工！」記得曾幾何時，我的頂頭上司，加上公司主席，在最緊張的打仗時期，風雨不改，晚晚OT，早則收九點，晚則凌晨一兩點。難得有機會與公司一起並肩作戰，我自當然誓死相隨，宵夜直落。即係話，以前的打工仔，若收左工，正用晚餐，收到同事電話，謂老闆急召開會，為表現襟撈精神，他們會從容就義，置那份晚餐於不顧，即時折返公司開會。 其他襟撈的表現，仲有唔少，例如同事之間鬥早返工，見人要Say Good Morning，甚或帶病照返工、食晏睇醫生。通通是襟撈的表現形式，之但係，襟撈的核心，思哲認為是「犧牲小我，完成工作」，黃子華既說法「鞠躬盡瘁，死而後已」，則比較沉重。 時至今日，明白襟撈精神的香港人，大概剩低一個曾特首。現今的香港打工仔，經過歲月的洗禮，對佢地而言，襟撈已經落伍，取而代之既精神，係「權益」。因此，佢地對工時既概念係：「老闆走開，我就收工！」理想既工作態度係「犧牲工作，完成自我」，例如返工上古惑仔online創業。 只不過，香港既襟撈精神，雖然沒落於本土，卻似乎在內地得以延續！早兩日，報紙話「劉翔在鳥巢亮相三分鐘、在跑道上扯下號碼貼，頭也不回地決絕退場」。隨即，網上特有襟撈精神的同胞，紛紛出言激辯：「你不應該叫劉翔，你改名字叫劉降。」「膽小鬼！逃兵！丟盡國人的臉！」有人甚至提出：「就算骨折了也要爬到終點！」這不正正係帶病照返工的襟撈精神嗎？ 從內地同胞對劉翔提出的意見，很明顯，佢地已經擁有像曾特首一樣，為求做好份工，不惜一切，鞠躬盡瘁，死而後已的襟撈精神。不過，思哲認為，即使基於襟撈精神，我地亦唔認該怪責劉翔，因為我們不能排除係老闆唔比佢返工的可能性。劉翔呢日返唔到工，好有可能只係公司安排：「阿翔，你病得咁重，係屋企抖下啦，費事返公司惹到13億同事嘛！」 《2008年8月21日刊於蘋果日報》 [youtube=http://www.youtube.com/watch?v=lDivOwk7JNM]
打工仔阿翔
以前，香港的打工仔，推祟襟撈精神，當時我地既信念係：搵食低做起，工字有出頭。 好簡單，以前打工仔對工時的概念：「老闆唔走，我唔收工！」記得曾幾何時，我的頂頭上司，加上公司主席，在最緊張的打仗時期，風雨不改，晚晚OT，早則收九點，晚則凌晨一兩點。難得有機會與公司一起並肩作戰，我自當然誓死相隨，宵夜直落。即係話，以前的打工仔，若收左工，正用晚餐，收到同事電話，謂老闆急召開會，為表現襟撈精神，他們會從容就義，置那份晚餐於不顧，即時折返公司開會。 其他襟撈的表現，仲有唔少，例如同事之間鬥早返工，見人要Say Good Morning，甚或帶病照返工、食晏睇醫生。通通是襟撈的表現形式，之但係，襟撈的核心，思哲認為是「犧牲小我，完成工作」，黃子華既說法「鞠躬盡瘁，死而後已」，則比較沉重。 時至今日，明白襟撈精神的香港人，大概剩低一個曾特首。現今的香港打工仔，經過歲月的洗禮，對佢地而言，襟撈已經落伍，取而代之既精神，係「權益」。因此，佢地對工時既概念係：「老闆走開，我就收工！」理想既工作態度係「犧牲工作，完成自我」，例如返工上古惑仔online創業。 只不過，香港既襟撈精神，雖然沒落於本土，卻似乎在內地得以延續！早兩日，報紙話「劉翔在鳥巢亮相三分鐘、在跑道上扯下號碼貼，頭也不回地決絕退場」。隨即，網上特有襟撈精神的同胞，紛紛出言激辯：「你不應該叫劉翔，你改名字叫劉降。」「膽小鬼！逃兵！丟盡國人的臉！」有人甚至提出：「就算骨折了也要爬到終點！」這不正正係帶病照返工的襟撈精神嗎？ 從內地同胞對劉翔提出的意見，很明顯，佢地已經擁有像曾特首一樣，為求做好份工，不惜一切，鞠躬盡瘁，死而後已的襟撈精神。不過，思哲認為，即使基於襟撈精神，我地亦唔認該怪責劉翔，因為我們不能排除係老闆唔比佢返工的可能性。劉翔呢日返唔到工，好有可能只係公司安排：「阿翔，你病得咁重，係屋企抖下啦，費事返公司惹到13億同事嘛！」 《2008年8月21日刊於蘋果日報》 [youtube=http://www.youtube.com/watch?v=lDivOwk7JNM]