Tag 趙雲

睇左《三國之見龍卸甲》，感覺係：口水多過茶。 但最唔合理係，臉長如馬的maggie Q，飾演所謂的曹嬰，說是曹操孫女，督兵抵抗武侯的北伐之餘，更挫敗生平並無敗績的趙雲，真係睇得我莫名奇妙。 根據演義記載： 諸葛亮首次出兵北伐，宣稱將由斜谷道取郿，並令趙雲、鄧芝為疑軍，佔據箕谷，魏大將軍曹真率領大軍反擊，諸葛亮下令趙雲、鄧芝在斜谷道阻擋曹軍，自己率領蜀軍主力進攻祁山，趙雲、鄧芝因兵弱敵強，失利於箕谷，不過由於趙雲將分散於各屯的軍隊會合，並親自斷後，燒毀棧道，阻止曹軍的追擊，因此軍資和人員的損失都不大。 係咪想講曹真呀？但事實上，曹真與曹操並無血緣關係。他本姓秦，因其宗族曾措身救曹操而轉姓曹，後獲魏室重用。 如果依照三國演義，趙雲係生平不敗，五虎大將得佢一個得善終，唔需要死於非命。再講，唯一同佢打平手，應該係投誠前既少年姜維。 其實咁，趙雲既一生本身已經好傳奇： – 堅持不娶有國色之貌寡嫂樊氏 – 截江奪阿斗 – 上諫劉備不該先打吳國 – 馳馬突擊曹軍救部下 點解原本深入人心既故事唔用，硬要自己老作虛構人物欺場呢？電影比我的感覺是當初完全唔曉三國既人提議：「我地不如拍部《三國XXX》既片，有市場呀！」 呢套片既跌眼鏡程度，真係同長江七號真係有得揮呀。