聞說古人打杖，為了論功行賞，戰士每殺一人，都會割下對方右耳，以便戰後埋單計數，可是交出最多耳朵的士兵戰將，說不準只是個見耳即割、割完即跑的瘋子，而不是真正攻城略地的軍人。
我管這叫交功課管理。不知多少年後，我們彷彿沒進化過，交功課管理依舊是主流。
現代的企業管治環境，尤其規模愈大的上市企業，各級管理層的至理名言：「做唔到唔重要，至緊要有功課交！」
現代的兩性關係角力，尤其要求愈高的港女，無論熱戀中冷戰中：「我唔理你有幾忙，總之每日比三個鐘我！」
久而久之，我們習慣了交功課，不管三七二十一交了功課過了海，有用無用，who cares？
[youtube=http://hk.youtube.com/watch?v=eQgBfrI_w00]
July 9, 2008 at 11:28 pm
有時候睇功課仲慘過交功課啊
July 10, 2008 at 1:26 pm
就好似我公司咁, 要restructure, 要cut人. 管理層係既得利益者, 由於cut人只係交head count數目, 於是就cut咗公司的秘書, admin等, 對公司成本開支最無影響的一群人.
而呢班廢柴管理層的住屋津貼,子女教育等等, 就一d都唔會受影響.
再上一級的管理層, 唔係在香港, 估計都係望下個report, 見到每個location都交咗功課, 就算數.
所以, 好多大型MNC, 發展到咁上下規模, 好快就會失去競爭力.