散場後，男觀眾得戚地說：「計我話，男主角的人物設計藍本，一定係黎自Larry Ellison！」在他身旁的女伴，頭戴網狀鴨舌帽，穿迷你短裙，他們看了電影《鐵甲奇俠》（英文 Iron Man）。

「邊個係Larry Ellison呀？」女伴問道。「係Oracle個老細，做database軟件起家，曾經都做過世界首富。」男觀眾此刻雙目發光。「唔錯唔錯，咁都比我拋到書包，哈哈哈哈！」他心想。

女伴認為男主角既有才，又幽默，還帶半點不羈，於是好奇地問下去。「咁，Ellison同男主角有咩相似之處呢？」「一樣咁有錢咯，同埋，佢地同我一樣都係技術型‧‧‧」男觀眾竟不忘自誇一下。「車，人地咁有錢，邊似得你咁楣架！」未講完，女伴立即打斷他的說話。「哇，搵得唔多唔得呀，你咁樣鄙視我既。」男觀眾半帶認真地反駁。

思哲沒有繼續聽下去。個人認為，Ellison外型很像Iron Man，他還擁有一架意大利戰機和駕駛執照，可以像Iron Man一樣隨時起飛。就連Oracle的員工，亦於網誌撰文，指出老闆Ellison就是Iron Man的人物設計藍本，甚至Oracle本身亦借Iron Man上畫的時候，包場辦活動，打著「Hardware by Marvel，Software by Oracle」的旗號以作宣傳。

跟同事說起，電車男P君不忘提醒：「其實Howard Robard Hughes至係真正的設計藍本喎。」但不能否認，Tony Stark也實在太像Larry Ellison了。

無論如何，作為電影消費者，《Iron Man》比我預期更好看，誠意推薦大家去看。

《2008年5月19日刊於蘋果日報》