造假乃藝術問題

但不是說笑，曾幾何時，有讀者懷疑思哲博客造假，還寄來電郵，予以譴責，當時我想這真是冤枉。如果那是專欄，為搶收視，還說得過去。一個沒廣告收入的博客，既沒有商業利益，又沒有國家利益，我造假來幹什麼？而且博文發表了，便會被Google永久保存下來，要是存心造假，逃得過億萬網民的法眼麼？

有人可能會話：「唔係喎，大拿拿幾十億人睇既奧運都造假喎！」不要誤會，我絕不是要譴責奧運。我認為，人生於世，為五斗米，本來就必須要一點點假，放棄一點點自我。這個道理，醒目的港男，應該好清楚，醒目的港女，亦自然明白外表上造假的好處。因此，現在我聽見有人說：「你咪嘴，造假！」我便說：「張學友都咪過嘴啦！」「煙花都假，搞錯！」我會話：「你最近有無睇過Mummy？人地張導本來就是拍大電影的人材…」

思哲以為，造假，不是道德問題，是藝術問題，應該列入會考美術科的Syllabus。當然你又可能會問：「考試出貓咪即係造假咯，點會唔係問題呀？」無錯，事實就係，你比人捉到出貓，的確有問題，會被取消資格，但如果捉唔到，你就係狀元！

不過，若然出貓的出發點不是個人利益，而是基於國家利益，那是多麼吊詭的一件事？想像一下，在古代中國，某個考生，上京赴考，誰知出貓斷正，監考官問佢：「你話，點解要參加科舉？」「為左可以精忠報國，死而後已！」「咁你點解又要出貓？」「係為左國家利益！嗚…」係咪即時覺得我地中國文明好吊詭好玄呢。

無論如何，美與醜，從來都是一線之差，由取消資格到狀元，亦係一線之差，所以造假絕對係藝術問題。說到底，最無辜的，肯定是咪嘴小女孩，奧運的好處，她分不到多少，造假的污名，卻要她一生來背負。