近年 ESG 呢三隻英文字，逐漸成為商界嘅熱門話題，經常出現財經新聞標題。

以我理解，其實嚴格嚟講，ESG唔算全新事物，因為好耐以前，我地會叫佢「氣候變遷」、「全球暖化」，或者後來嘅「碳中和」，亦即係聯合國氣候峰會，比如京都議定書同埋巴黎協定。

正所謂「出師要有名」，改得個叫法同名義，咁以前呢，佢係「地球」嘅事，係「氣候」嘅事，甚至係「環境」嘅事，但唔係我地「人類」嘅事。

到咗近期，開始有咗 ESG 之後呢，開宗明義，唔止係關環境嘅事，佢仲關係到「社會」同埋「管治」嘅問題喎，換言之，就即刻從「地球」嘅層面，降落到「國家」嘅層面，從「環境」嘅層次，降落去到「綠色科技」，甚至係「基金投資產品」嘅層次。

要剖析呢一場從天而降，由上而下嘅變革，咁梗係要有重量級嘅來賓，今日特登請咗 Ryan，佢香港首批特許ESG分析員（CESGA），亦係第二十六屆聯合國氣候變化大會香港青年代表，《投資救未來》作者，同我地傾吓 ESG。

https://bit.ly/3ObYNC7