喺Google打咩唔會搜尋到不雅照片？話說張文光喺教協報發表一個驚人既發現：

http://www.hkptu.org.hk/ptu/director/pubdep/ptunews/547/cmk-legco.htm

政府正為《淫褻及不雅物品管制條例》，進行為期四個月的公眾諮詢，各方討論沸沸揚揚，而我最關心的，是互聯網愈來愈普遍，涉及暴力、色情和歪曲事實的不良資訊，既荼毒青少年，且為教師造成不必要的傷害。

最近，我接獲老師的投訴，指最為香港人熟悉、常用的雅虎和Google網站，竟然載有大量以「女教師」為名的不雅和淫褻照片，更長期佔據「圖片搜尋排行榜」首10位，嚴重損害女教師的專業形象和尊嚴，她深感受到傷害。收到如此嚴肅的投訴，我從速瀏覽有關網頁求證，赫然發現該兩個網頁，存在極多標榜為「女教師」的色情和不雅照片或圖片。這些圖片，多數是以課室為背景的性愛照片，有不同程度的身體裸露，有些更涉及被塑造為師生的做愛場面，令人側目。

張文光無講錯，我而家就要將呢啲不雅既google超連結張貼出嚟：

女教師
女老師
男教師
女教授
女助教
女學生

思哲都有下一代，我好明白，教育同保護下一代既責任，一定係我地兩公婆身上，而唔係在於政府/司法制度身上。

唔講話Google其實已有「安全查詢」（Safe Search）功能，而家市場上其實有唔少防毒軟件/過濾軟件，都包含咗parental control，再講，就連各大互聯網服務供應商本身都有提供呢類服務，只需每月比多幾十蚊。其實事無大小就叫政府立法，我覺得反而有少少逃避責任咯。

不過又話說回頭，呢個下晝，思哲睇完呢篇報道其實開心咗好多。其實真係多謝張文光係金融海嘯人心惶惶之際，仲可以保持相當的幽默感，以實際的投訴行動為博廣大網民一粲，佢真係相當偉大！

另外我反而有興趣想問：

1) 其實另外仲有啲咩職業/工種，係Google或者Yahoo搜尋都會出到所謂既「不雅照片」？

2) 其實不雅照片既定義係咩？蔡志森、張文光張相又算唔算不雅呢？