「對Early Adopters而言，任何新技術，無論幾垃圾，以4G為例，有幾多接收盲點，頻寬有幾慢，有幾咁食電，就算數得出一百種缺點，佢哋，一樣會照用，而且用得好開心。」

對上呢個禮拜，有機會試用4G同4G手機，用過之後，可以話，無咩特別感覺，心情平靜。

速度，其實無意思，事關速度同穩定度呢樣嘢，尤其是流動網絡，影響因素包括但不限於：天氣，手機，時間，地點，用戶人數。即係人人既經驗，可能都唔同。

3M-4M試過，20-30M又試過，吹漲既係，快個陣，未必需要用，慢個時，又未必真係唔夠用。我覺得，如果唔係24小時睇片，快與慢，係咪真係咁緊要？況且，消費者向來都唔係咁諗嘢。

要睇既，反而，你覺得自己係嗰點既人？

對Early Adopters而言，任何新技術，無論幾垃圾，以4G為例，有幾多接收盲點，頻寬有幾慢，有幾咁食電，就算數得出一百種缺點，佢，一樣會照用。

至於Majority，縱使知道新科技有好處，但往往要等，等到技術成為廣泛接受既標準，先至會行動。

最後一種人，姑且叫Laggards，唔單止新技術，佢哋對任何新事物無興趣，甚至覺得反感，就算迫住要用，用完，佢哋都唔知發生緊咩事。

我始終相信，人，應該向前望，社會，需要進步同發展。各位長期讀者，我相信大家好大部分都係Early Adopters，但無論如何，我希望大家就算唔想做Early Adopters，都千祈唔好做Laggards。