前天曾蔭權的施政報告，就像孫柏文所言，確實讓人感覺回到九七之前的日子。不喜歡今次報告的，心中念念不忘的事，用盡這份蘋果日報也數不完；不過，喜歡曾蔭權這篇發言的，統統對最後一段香港故事特別有共鳴。
知情人士消息：香港故事的概念，該是出自曾蔭權本人。難怪他說到這一段的時候，也特別投入；不過，據聞文字乃出於特首辦的文膽，具體內容則是出於《四代人香港》。思哲只是從友報Leona的博客上，略知這本書的脈絡，未敢班門弄斧，講不同世代香港人的意識形態。可是，在主觀的個人經歷上，倒有點感受可以分享。
比思哲年長十年的一群，他們投身社會時正值八十年代末的高增長，加上當年的移民潮，他們要是肯捱，未到三十而晉身管理層者大有人在，要是肯搏的，創業投資也無往而不利。「叻我至叻，我玻璃可變鑽石」，阿叻這首《我至叻》加上花碌碌的Versace，完全捕捉到當年那亢奮。怎料一場金融風暴加八萬五，十年光景一朝蒸發，他們是大起大落的一代。
到了思哲這一代，見過師兄師姐的風光，也嚮往人家科網熱潮，偏偏香港不爭氣，做IT的，卻是為A貨Dot-Com；就連有幸打入「發三師」的專業行頭，也沒有以前那份優越，惟有暗地為父母多年供書學感到慚愧；搞其他的，生活更加艱難。這一代的集體回憶嘛，誰又沒有在深圳羅湖商業城的丹桂軒撞到闊太大款呢？不過，這一代雖然沒有自我形象，可是在一浪又一浪的衝擊，咬緊牙關至今，可說是死過翻生，能脫穎而出越級挑戰師兄師姐的，也非等閒之輩。
曾蔭權一段香港故事，能令這二十年間成長的人共鳴，確是出自高手。別忘記，這群三十多四十歲的，可是香港未來十多年的主力呢。
2007年10月12日刊於《蘋果日報》
October 14, 2007 at 10:55 am
對曾蔭權, 民主是文化大革命. 香港有希望
http://www.youtube.com/watch?v=I_V2qJWdxes
October 14, 2007 at 8:41 pm
絕對不應同 “做IT的，卻是為A貨Dot-Com” , 香港絕對是有出色的 it 產品。但it行業最大的問題是勁高的流失%。高流失%代表了香港主流唔重視it，令到it行業的人員要轉行去解決收入太低的問題。IT 是一門專業的行業，但在香港是最唔專重的行業。
October 15, 2007 at 3:00 am
阿水,
完全原創既 IT Startup 除左 EditGrid 外，都唔係太見得到，或者有無 d 網頁係香港原創既 Web 2.0 係可以介紹一下 ？
呢排睇緊一本書講 3M 既歷史，講左好多成功既產品背後，都係要研究好多年，中間仲要係唔知幾時可以回本，其中一個例子係 Post-it 便利貼，由研究到呢種黏性材料，到正式生產 Post-it ，中間經歷 14 年，香港公司會唔會咁好耐性等一個咁既產品成熟，又有無咁既資金去投資入去？
而 Google 咁，由正式推出，到有 Adwords 為止，中間都經歷六七年無收入既日子，如果投資既人唔係有眼光去等到收回成本一日，要佢好似其他 web 咁放 d 閃黎閃去既 banner (好似 yahoo ，discuss.com.hk 果 d ) 今日既 google 又會係點
香港既 IT 係管理層心目中係洗錢既部門，IT 部係管理層 cut cost 既頭號目標，連必要既基建，甚至買正版軟件都係洗左佢地血汗錢咁，所以唔可能期望係香港既 IT 係會有幾高既人工。
另一方面係香港 IT 人都好少會 keep 住 update 自己，如果 IT 人唔投入自己係自己份工入面，又點可以要求香港既 IT 有咩發展，或者相反咁講，當人工唔高既時候，又點可以要求IT 人以 IT 為終生職業
October 15, 2007 at 10:28 am
對 “另一方面係香港 IT 人都好少會 keep 住 update 自己，如果 IT 人唔投入自己係自己份工入面，又點可以要求香港既 IT 有咩發展，或者相反咁講，當人工唔高既時候，又點可以要求IT 人以 IT 為終生職業” 有點不應該，我二年前找工時，好多份工都聲明 日日都會有ot 有些更expect 你每日做多二三小時。
IT 人都是人，在時間唔許可下，點會有時間進修
但香港的 IT 絕對無可持續性發展
October 15, 2007 at 10:24 pm
阿水,
其實 OT 都唔係 IT 先有，好多打工仔都要 OT , 如果拎呢個理由話無時間進修，又唔多合理，而且好多 course 都係星期六下午 or 星期日上堂，有心絕對係可以搵到時間。而且進修都未必一定要上堂，係 internet 時代，好多知識都係免費，只要有心搵，一定搵到岩用既野。
果時我進修 Ruby on Rails 時，都係睇網頁同買本 ebook 返黎，print 出黎係返工同放工果時睇，一日要用兩個鐘坐車返工放工，好多人一上車就打 NDSL , 我就拎份 notes 出黎睇，因為我深知道，花時間學左既野，著數既係自己，但係亦都有同事話，老闆唔俾錢自己進修，做乜咁勤力。呢 d 就係心態既唔同。
October 16, 2007 at 12:36 pm
無名,
任何情況都會有，但好大都受公司所影響