早兩晚, 拖著疲累的身軀, 出席Smartone搞的網聚, 看看一部新款內置數據sim卡的netbook.

剛好這兩天, 傳出網上行寬頻接連MSN和瀏覽台灣網站均有嚴重斷線情況, 大伙兒對現場這台可以24小時候命(不計無電)上網不中斷的netbook自然更加著緊了.

當時我有啲癐, 烏下烏下, 係度想當年, 即係07年, 香港寬頻出過不少針對網上行的廣告, 例如用電話線做寬頻, 蟻躝咁慢, 牛頭馬面及貝爾, 有許多許多印象深刻的廣告, 打得漂亮, 也打得網上爬後來出返一個「用光纖鋪少少就扮代表」的老鼠王廣告. 這樣一反擊, 便馬上顯[得低手和有失”地上最區網絡商”的身份了.

以上那些廣告, 都是我離開香港寬頻這家公司之後才推出的, 記得當年有幸參與作為其中一粒小螺絲, 已經要數劉翔的年代了. 不過, 我可以在這裡告訴大家一個秘密, 其實也不是什麼大秘密, 就是所有廣告的key message, 以我所知, 從當年劉翔到後來的電話線做寬頻 / 蟻躝咁慢, 全部都是王維基親自lead會度出嚟, 然後才交予agency執行創意, 所以骨子裡通通滲著強烈的王維基個人風格…

講返轉頭, 今次斷線咁大件事, 如果Vitesse可以立即整返條片去回應吓(當然反應要夠快), 我諗效果可能都會唔錯吓.

[youtube=http://www.youtube.com/watch?v=vM5nxA4vEgU]