無線裁員‧樂觀悲觀

老老實實，呢個環境，邊個唔係開始節衣縮食呢？將心比己，自己落少兩次樓下間茶樓飲茶既時候，又會唔會咁諗先：「今個月我份糧都叫出得足，但係呢個一般茶樓職工最需要遮風擋雨既時候，作為一個有良知既消費者，我係咪應該收返唔落去飲茶呢個殘忍決定呢？」

*****

的而且確，金融海嘯下，唔少人財富減半（帳面）、負資產，周街都係，但其實經濟轉差，我們的生活質素也不一定立即變差。當然，大前提是你有穩定收入，或者仲有一份工在手。

整體而言，消費意欲可能大不如前，不過某類商品，例如即食麵之類，最近的確見人多買了（但價錢唔算平，大約$15五包度）。