[youtube=http://hk.youtube.com/watch?v=NmILBg7tPP4]

收到Kelvin既訊息，佢叫我試玩呢隻名叫VXR既「網頁遊戲」，適逢我無mood做嘢，心諗：「就嚟使下呢隻game喺咁真係『型男索女必到』咁緊要先！」

上到去，速度幾快，唔使兩秒，成個油尖旺區、部分港島區隨即以「衛星圖」既感覺呈現係我眼前。用落去，好快咁開左個人帳號（都係叫wanszezit，大家可以入嚟搵我），雖然要經過電郵確認。

起初，我唔識點樣設計自己既avatar，去到我間屋，內裡空無一物，原來可以去指定既傢伙店Shopping（看來VXRWorld至少可以幫傢伙店賣廣告作為business model）。我無去家俬店，離開間屋，出咗街周圍行。第一眼感覺幾靚，例如去到蘭桂坊馬上認得地方，好有親切感，呢啲場景應該花咗好多心機去畫。

總括嚟講，感覺上，VXRWorld有啲似online game，又有啲似討論區，又有啲似交友網站。不過嗰UI可以再改良，令到user可以再容易啲做到想做既嘢。另一個問題係，遊戲包括咗Blog、討論區、網上相簿等功能，但係限於介面以flash寫成，以上既內容有可能很難被index在Google / Yahoo既搜尋引擎度。

最後，重點呢隻遊戲乃香港制作。報告完畢。