一向都唔理皮膚，好大既程度，唔係唔緊張，而係唔識同唔知可以點做，又或者，係懶得理。每逢乾燥季節，塊臉會乾，會痕，如果忍唔住手抓癢，仲會面紅，抓到面紅。

皮膚係對人既第一印象，好同唔好，分別都好大吓。比如話，成面暗瘡，或一達達，無論對方係邊個，同事或者公司客戶，都會令人對你既印象大打折扣 ── 連自己身體都管理得差既人，試問點會管理得好佢既工作？

因為呢個扑，最近有機會試用Biotherm既男士護膚品，包括洗面GEL、鬚後爽膚水，同埋嗰支叫「Aquapower 」既保濕啫喱。

老實講，我從來未用過保濕啫喱。我用既方法（好有可能係錯誤示範），係唧少少出嚟，用手指輕輕係面部打圈，等佢慢慢吸收。

用咗兩日，感覺良好，例如朝早搽完，到下晝都仲好明顯Feel到有浸嘢係塊面度，涼涼地好舒服。夜晚臨訓都有搽，用咗兩日既效果，都幾顯著，老婆都話塊面無咁乾同紅。

不過我始終認為，對男人嚟講，最好既護膚方法，係保持心境平和同識得減壓。我見過太多因為工作壓力過大，而導致身體健康出問題既人，皮膚，絕對係首當其衝既部分。

圖示
左：洗面GEL
中：溫泉保濕冰涼啫喱
右：爽膚水