朋友在報刊寫專欄
我：幾時寫書
佢：未打算，寫下文先，再算
我：可能要有值得同一百年後嘅人講嘅嘢，至寫。
佢：所以寫住文先
諗深一層，究竟係：
- 要有值得同一百年後嘅人講嘅嘢，至寫書？
- 要有值得同一百年後嘅人講嘅嘢，至寫字？
- 要有值得同一百年後嘅人講嘅嘢，至講出嚟，拍片？
定還是，「有值得同一百年後嘅人講嘅嘢」，就 1／2／3 都冇分別呢？
相反，動用到「紙」甚至係「書」呢個媒介，因為佢可以：
- 供奉喺書櫃或枱頭
- 搣其中一頁出嚟，貼係牆或書枱
- 貼起咗，抬高頭隨時望到
- 好容易標籤重要部分：間書
- 如果有成個系列，放埋一切特別有氣勢
- 細細本既話，袋住係身幾時拎出嚟都唔怕冇電
- 仲有數之不盡咁多理由…
再反過嚟諗，反而互聯網就冇咩所謂，互聯網的主角是應用程式不是內容，相對紙同書，「內容」同「人」既關係好疏離，好 ONS 好短，再愉快既關係，每次都不過幾十秒，最長不過幾分鐘，而且「使用」過一次之後，其後很少會再用，但有機會接觸到的人以幾何級數地多！係互聯網，唔需要「有值得同一百年後嘅人講嘅嘢」，甚至乎冇任何值得同任何人講嘅嘢，都有辦法吸引到好多人撞入嚟睇你既嘢！