同新朋友食飯傾project，對方係超勁 app developer，世界級，1個打10個唔係問題。
講起之前做過既 project，佢問，你識唔識呀邊個邊個？我第一個反應：佢唔識架喎。原來佢而家既客。之後既對話，助語詞太多，唔公開喇。
回程個陣，我諗：唔識，唔大鑊。唔識肯認，聽人講又好，揾人教又好，都okay。最大鑊係識少少，就自以為識，扮識。
最worst既情形，通常係佢自己都唔知道自己想點，就開始做，到知想點，又唔知點做點配合，甚至又要人用佢既（蠢）方法，做做下諗到新野，大改，由頭做過，改過之後，原來唔啱老細口味，繼續唔知想點，然後就一拖再拖，蹉跎歲月，胎死腹中。
以新朋友既能力，一般嚟講，係佢揀人，多過人揀佢，呢次相信係一個意外，祝佢早日遠離呢個惡夢。